O Hospital Veterinario Universitario Rof Codina convoca 13 prazas de alumno/as colaboradores para o curso 2023/24 de estudantes de cuarto curso de grao.
- Débese ter en conta que a colaboración leva a cabo ao longo de todo o ano (período lectivo e non lectivo: XUÑO 2023-XUÑO 2024).
- O alumno colaborador hospitalario debe cumprir co horario establecido. Este compromiso de carga horaria adicional deberá ser compatible coas súas responsabilidades académicas e o alumno colaborador hospitalario debe manter un bo rendemento nos seus estudos.
- O alumno colaborador hospitalario participará, fóra do período de docencia regrada, na atención e coidado dos pacientes baixo a supervisión dos membros estables do servizo clínico.
- O alumno colaborador hospitalario axuda a outros alumnos en actividades clínicas que se realicen nun horario claramente diferenciado da actividade docente regrada.
- O alumno colaborador hospitalario poderá renunciar voluntariamente, perdendo a súa condición e non podendo optar novamente en ningunha outra convocatoria.
- A condición de alumno colaborador hospitalario extínguese no momento en que se finalicen os estudos da titulación.
- Ao termo do período emitirase un informe anual de aproveitamento e de actividades realizadas, nos casos en que así se corresponda.
- É obrigatorio asinar o compromiso da lei de protección de datos, xa que non se poden tomar imaxes ou datos da actividade do HVURC.
- É obrigatorio asinar á entrada e á saída de cada período de garda, noites incluídas.
- Pódense realizar cambios de gardas entre «helper», pero deben de quedar reflectidos no calendario.
- Ao principio, todos os «helper», asinarán un documento de compromiso.
- Horario:
- Durante o curso e verán:
- durante a semana, fin de semana e festivos de 09:00-13:00 e 15:00-09:00
- En exames:
- durante a semana: 19:30-09:00, fin de semana e festivos: 15:00-17:00 e 19:30-09:00
- En exames (xaneiro/maio) só haberá un «helper».
- No segundo cuadrimestre pola noite só haberá un «helper».
- Os horarios e/o número de «helpers» poderanse modificar en función das necesidades do hospital, previa reunión.
- Durante o curso e verán:
Os candidatos deben presentar as súas solicitudes segundo o seguinte modelo
acompañado de:
- Expediente académico baremado. Non é necesario orixinal, coa copia que se obtén na secretaria virtual é suficiente.
- Fotocopia do DNI ou documento equivalente.
- Relación de cursos, prácticas extracurriculares ou calquera outro mérito que o candidato desexe facer constar (debidamente xustificado).
Prazo de entrega: luns 15 maio de 2023 (incluído).
Lugar de entrega: recepción do HVU-RC. Horario de 09:00 a 14:00 e de 16:00 a 19:00.
Data de resolución: venres 19 de maio de 2023.
Reunión cos candidatos seleccionados: organizarase por correo electrónico en biblioteca do HVU-RC.
NOTA IMPORTANTE:
Os “Helpers” do curso actual (2022/23) que continuen o próximo curso (2023/24), non o teñen que solicitalo de novo.
