Lista de candidatos/as seleccionados/as
30 abril, 2025
O Hospital Veterinario Universitario Rof Codina ofrece 26 prazas de alumnos/as colaboradores/as para o curso 2025-2026, dirixidas a estudantes de terceiro, cuarto (20 prazas) e quinto (6 prazas) curso de grao. A colaboración esténdese durante todo o ano, de xuño 2025 a xuño 2026.
Requisitos e responsabilidades:
- A colaboración lévase a cabo ao longo de todo un ano (XUÑO 2025-XUÑO 2026).
- Cumprir co horario establecido, compatible coas responsabilidades académicas.
- Manter bo rendemento académico.
- Participar na atención e coidado de pacientes baixo supervisión.
- Axudar a outros alumnos en actividades clínicas fóra do horario docente regrado.
- O alumno/a colaborador/a pode renunciar voluntariamente, o que implicará a perda da súa condición e non poderá volver optar novamente a ningunha outra convocatoria.
- A condición de alumno/a colaborador/a hospitalario extínguese no momento en que se finalicen os estudos da titulación.
- Ao termo do período emitirase un informe anual de aproveitamento e de actividades realizadas, nos casos en que así se corresponda.
- Asinar o compromiso da lei de protección de datos, xa que non se poden tomar imaxes ou datos da actividade do HVURC.
Horarios:
- Curso e verán: semana, fins de semana e festivos de 9:00-13:00 e de 15:00-9:00.
- Exames: semana de 19:30-9:00; fins de semana e festivos de 15:00-17:00 e de 19:30-9:00.
- Cada alumno realizará 4 semanas de garda en total.
Proceso de solicitude:
- O modelo de solicitude ten que presentarse acompañado de expediente académico, fotocopia do DNI e méritos xustificados.
- Prazo de entrega: do 5 ao 19 de maio de 2025 (ambos incluídos).
- Lugar de entrega: recepción do HVU-RC (en horario de 9:00 a 14:00 e de 16:00 a 19:00) ou no correo electrónico: antonio.cantalapiedra@usc.es.
Data de resolución: 23 de maio de 2025.
Reunión con seleccionados: Biblioteca do HVU-RC, a data notificarase aos seleccionados por correo electrónico ou publicación nesta páxina web.
