Consonte ao establecido na cláusula 32.4 do Prego de Cláusulas Administrativas Particulares e no artigo 10.3 da Lei 4/2006, de 30 de Xuño, de transparencia e boas prácticas na Administración pública galega, unha vez adxudicado o contrato para a construción do centro de investigación Cebiovet, o Órgano de Contratación procede a publicar a seguinte información.
Con carácter previo á publicación do anuncio de licitación elaboráronse o prego de cláusulas administrativas e o de prescricións técnicas, recollendo a cláusula 10 do primeiro os criterios a seguir para a adxudicación do contrato:
1º. O prezo ofertado valorase de 0 a 70 puntos, segundo a seguinte fórmula:
Onde:
Vi: valoración
PL: presuposto de licitación
Oi: oferta a valorar
Omf: prezo da oferta máis favorable.
2º. Por cada semana de redución do prazo de execución outórganse 2 puntos ata un máximo de 20.
3º. Por cada 6 meses de aumento do prazo de garantía outorgase 5 puntos, ata un máximo de 10 puntos.
O 14 de maio de 2014 publicouse no Diario Oficial de Galicia o Anuncio de licitación das obras de construción do Cebiovet, iniciando así o procedemento administrativo para a selección do contratista e adxudicación do contrato para a contratación da execución das obras de construción de dito Centro.
Ao devandito procedemento concorreron un total de 27 empresas. Finalizado o prazo de presentación de ofertas, a Mesa de Contratación procedeu a examinar as presentadas en tempo e forma e, segundo os criterios de valoración recollidos no Prego de Cláusulas Administrativas Particulares, obtiveron a seguinte puntuación:
Con estes datos, o 1 de agosto de 2014 o Órgano de Contratación resolveu adxudicar o contrato da obra de construción do Centro de Investigación á empresa Xestión Ambiental de Contratas, por un importe de 3.288.000,00 € (IVE incluído) e un prazo de execución de 68 semanas.
Información sobre o procedemento
