Convenio FRC – Club Raza Can de Palleiro
{youtube}cfqfuoOyLi0|300|200|0{/youtube}
A Fundación Pública Galega Rof Codina e o Club de Raza Can de Palleiro presentaron o seu proxecto de colaboración.
Esta colaboración permitirá financiar unha bolsa para unha residente europea de Medicina do Comportamento no HVU-RC e desenvolver un estudo para a mellora desta raza autóctona galega de cans.
Este mércores 13 de novembro, ás 17:00 horas tivo lugar no Hospital Veterinario Universitario Rof Codina (HVU-RC) o acto de presentación do Convenio de Colaboración entre a Fundación Pública Galega Rof Codina (FRC) e o Club de Raza Can de Palleiro (CRCP), no acto interviñeron o xerente da FRC, Luis Felipe de la Cruz Palomino, o presidente en funcións do CRCP, Juan Carlos Puente, a facultativa e a residente do Servizo de Etoloxía Clínica do HVU-RC, Ángela González Martínez e Susana Muñiz de Miguel, a facultativa do Servizo de Obstetricia do HVU-RC, Ana Peña, a vogal directiva do CRCP, Irene Puente, a especialista en comportamento canino, Patricia Ogando, acompañada da súa cadela da raza can de palleiro Ceibe e o adestrador canino, Iago Triana.
No marco deste convenio, o Club de Raza Can de Palleiro comprometeuse a colaborar no financiamento da bolsa que percibe a residente europea de Medicina do Comportamento (Susana Muñiz), que está a facer a súa residencia no Servicio de Etoloxía del HVU-RC baixo a supervisión da Dra. Ángela González. O título de Diplomado Europeo é o máximo grado de especialización veterinaria recoñecido internacionalmente. Este título outorgase aos/ás veterinarios/as que recibiron a certificación do Colexio Europeo da súa especialidade, neste caso o European College of Animal Welfare and Behavior Medicine (ECAWBM). Actualmente só hai 7 Diplomados/as por este colexio en España, sendo una deles/as a Dra. Ángela González Martínez. Por súa vez, o Servicio de Etoloxía do HVU-RC comprometeuse, mediante este convenio, a deseñar e desenvolver un proxecto para a mellora da raza can de palleiro, cos seguintes elementos:
