O Hospital Veterinario Universitario Rof Codina ofrece a formación práctica correspondente á formación teórica impartida na Facultade de Veterinaria de Lugo, mediante a utilización das súas infraestruturas e toda a casuística clínica. Ademais disto, ofértase outra formación especializada ás diferentes profesións biosanitarias.
Coa finalidade de favorecer a maior correspondencia posíbel entre a docencia teórica do Grao en Veterinaria e as ensinanzas que en materia clínica poida proporcionar o Hospital, realizan as súas prácticas docentes no HVU-RC as seguintes materias:
– Propedéutica.
– Patoloxía xeral.
– Obstetricia Grandes Animais.
– Obstetricia Pequenos Animais.
– Medicina Interna I.
– Medicina Interna II.
– Benestar.
– Anatomía Patolóxica.
– Cirurxía I.
– Cirurxía II.
– Anestesia.
– DPI.
– Farmacoloxía.
– Parasitoloxía e enfermidades Parasitarias.
– Rotatorio Hospital.
A Fundación Pública Galega Rof Codina organiza cursos e congresos sobre diferentes especialidades veterinarias co obxectivo de formar a profesionais en activo nestas materias.
NO HVU-RC
No HVU-RC realízanse estancias de profesionais veterinarios que se integran durante un período de tempo nunha área ou servizo do hospital para aprender e mellorar as súas habilidades. Existe unha gran demanda destas estancias polo prestixio dos facultativos do Hospital Veterinario.
