O labor asistencial desenvólvese no Hospital Veterinario Rof Codina e nas súas instalacións anexas. Este centro dispón de medios instrumentais sofisticados para o apoio ao diagnóstico das distintas enfermidades, o que incide directamente nunha maior calidade deste servizo.

O Hospital Veterinario Rof Codina é un Hospital docente, polo que o noso persoal está formado por catedráticos e profesores titulares da Universidade de Santiago de Compostela (USC), facultativos do cadro de persoal, veterinarios internos, persoal técnico e estudantes da Facultade de Veterinaria. Todos eles colaborarán con vostede para proporcionarlle ao seu animal a mellor atención posíbel.

Se foi remitido polo seu veterinario ao noso hospital, tamén formará parte do caso. Será informado sobre a condición do animal e o tratamento instaurado para axudar a asegurar unha evolución positiva.

Tanto si vén por unha urxencia, como si acode por unha das nosas especialidades ou por atención primaria, será tratado con todo o coidado que o seu animal precise. Informaráselle axeitadamente acerca da súa condición, as diferentes opcións para o seu tratamento, recomendacións específicas, o prognóstico do caso, así como dos gastos que supoñen todos estes actos clínicos para que poida tomar a decisión máis axeitada.