UNIVERSITARIO ROF CODINA
HVU-RC
O HVU-RC asume a función de mellorar a actividade docente e investigadora da Facultade de Veterinaria localizada no campus lucense e tamén realiza un labor asistencial de alta calidade dirixida a veterinarios e propietarios de animais. Esta tarefa non só se leva a cabo no hospital, tamén de xeito ambulante ou refuxios.
Incorpora as máis recentes técnicas de diagnóstico por imaxe, como son a tomografía axial computerizada (TAC), a gammagrafía e varios métodos de ecografía. Entre as modalidades terapéuticas avanzadas empregadas no noso centro, destacan a terapia con radioisótopos, a cirurxía láser e as técnicas cirúrxicas minimamente invasoras, coma a artroscopia ou a laparoscopia.
As instalacións do HVU-RC ocupan 2750 m² no edificio do Hospital e 2450 m² no do CEBIOVET.
No edificio do Hospital atópanse as seguintes zonas: Admisión, Consultas Externas, Procedementos cirúrxicos, Diagnóstico por Imaxe, Hospitalización de Pequenos Animais, Laboratorios, Farmacia Hospitalaria, Aula-Biblioteca, Administración, vestiarios e espazos de instalacións e almacenamento.
Para cumprir cos seus obxectivos, nestas instalacións realízanse actividades docentes, asistenciais e de experimentación.
AsistencIa
· Servizo asistencial ao gandeiro e aos propietarios dos animais.
· Apoio clínico ambulante médico cirúrxico.
· Asistencia técnica a veterinarios para realizar análises ou intervencións cirúrxicas complexas.
· Labor de colaboración no control da saúde pública.
DOCENCIA
· Formación práctica a alumnos da Facultade de Veterinaria.
· Reciclaxe, actualización e especialización profesional dos posgraduados.
· Apoio á formación continuada e referencia para profesionais en materia de saúde pública, ambiental e pecuaria.
· Formación especializada nas diferentes vertentes clínicas da profesión.
· Actividade práctica en réxime de colaboración cos outros organismos públicos e centros universitarios.
· Organización de xornadas de estudo, orientación ou cursos e monográficos clínicos.
INVESTIGACIÓN
· Investigación experimental e derivada da casuística clínica.
· Colaboración e intercambio con especialistas.
A tripla orientación do Hospital, propicia que dea resposta a unha demanda educativa que busca uns estándares de calidade indispensábeis para manter a súa homologación, xunto co resto das áreas de coñecemento da Facultade de Veterinaria, pola European Association of Establishments for Veterinary Education (EAEVE).
